VIGOFERIA 2005 (21-10-2005)
O Ifevi acolle máis de mil marcas de decoración e interiorismo

A XII Feira Multisectorial de Galicia e Portugal vaise celebrar entre o 28 de outubro e o 6 de novembro no Instituto Feiral de Cotogrande. Nela vanse xuntar máis dun milleiro de marcas da industria, o comercio, e os servizos dos dous países.

Como nos últimos anos, a estrela de Vigoferia vai ser o Salón do Moble, Decoración e Interiorismo, que chega á súa sétima edición. A oferta inclúe tanto moble moderno como clásico e as últimas novidades en mobiliario de descanso, armarios e obxectos de decoración.

Vigoferia abrangue 33.000 metros cadrados. O ano pasado achegáronse ás instalacións máis de 80.000 visitantes.

A mostra estará aberta entre as 11 e as 21 horas.

# Enlace permanente a esta nova Utiliza este enlace para copiar como acceso directo ou para engadir a favoritos.

Vigoferia >> Novas relacionadas